Brennt barn forðast...

Ég fór til læknis á föstudaginn.  Var í rétta gírnum, ákveðin og viss í minni sök að þessi læknir myndi nú hjálpa mér.  Viðbrögð læknisins enda algjörlega í takt við bjartsýni mína.  Fletti upp í dagatalinu sínu og sagði:  "Þetta er forgangsmál.  Við skerum sem fyrst.  Ég er laus þann átjánda."  Bætti svo við að hann ætlaði fyrst að fara vel og vandlega yfir allar niðurstöður úr rannsóknum mínum síðasta eitt og hálfa árið, ræða við "kollumeistarann" og hringja svo í mig seinna sama dag, í síðasta lagi á mánudag.  Skemmst frá því að segja að mánudagur er að kveldi kominn og ekkert heyrðist í lækninum.  Trúlega af því að ég gleymdi að trúa því að hann myndi hringja.